Korporata e njohur nga Kosova, Fluidi Corporation, e cila operon në tregun kosovar që nga viti 1994 me produktet e saj të lëngjeve të gazuara dhe të pa-gazuara, tashmë është licencuar edhe nga një kompani e njohur Gjermane Hello Helga, për prodhimin e pijes natyrale Helga.

Produkti Helga është pije unike freskuese me përmbajtje të algave. Kjo pije si bazë të saj e ka algën Chlorela, përbërës i cili sipas nutricistëve konsiderohet si element me vlera të larta ushqyese.

Pija Helga është jo-alergjike dhe pa laktozë, me vlera të ulëta të karbohidrateve si dhe opsion shumë i mirë vegan dhe vegjetarian. Një shishe Helga me 290 ml përmban një të katërtën e kërkesës individuale të përditshme të vitaminës B12, kurse ka 30 kalori më pak se sasia e njëjtë e lëngut të mollës.